ថ្ងៃអង្គារ ៦កើត ខែផល្គុន ឆ្នាំរោង ឆស័ក ព.ស ២៥៦៨ ត្រូវនិងថ្ងៃទី៤ ខែមិនា ឆ្នាំ២០២៥ ក្រុមការងារអង្គការឌីភីអេ ប្រចាំខេត្តព្រះវិហារ បានសហការជាមួយមន្រ្តីការិយាល័យទទួលបន្ទុកផ្នែកសង្គមកិច្ច សុខុមាលភាពស្ដ្រី និងកុមារ ស្រុកគូលែន រៀបចំកម្មវិធីទិវានារីអន្តរជាតិ ៨មីនា ឆ្នាំ២០២៥ ខួបលើកទី១១៤។ កម្មវិធីប្រព្រឹត្ដទៅក្រោមអធិបតីភាព ៖

១/លោកស្រី ផន កែវផុន អនុប្រធានមន្ទីរកិច្ចការនារីខេត្តព្រះវិហារ

២/លោក ជុំ ឆវី ប្រធានក្រុមប្រឹក្សាស្រុកគូលែន

៣/ លោក ប៉ែន ជឹង អភិបាល នៃគណៈអភិបាលស្រុកគូលែន

និង លោក លោកស្រី ជាសមាជិកក្រុមប្រឹក្សាស្រុក មណ្ឌលសុខភាព ប៉ុស្ដិ៍នគរបាល លោក លោកស្រីសមាជិកក្រុមប្រឹក្សាឃុំ ភូមិ និង ជនបង្កោលយេនឌ័រគ្រប់ភូមិ សរុបទាំងអស់ចំនួន ៦១ នាក់ (ស្ដ្រី ៤៤ នាក់)។

ថ្ងៃព្រហស្បតិ៍ ៨កើត ខែផល្គុន ឆ្នាំរោង ឆស័ក ព.ស ២៥៦៨ ត្រូវនិងថ្ងៃទី ៦ខែមិនា ឆ្នាំ២០២៥ ក្រុមការងារអង្គការឌីភីអេ ប្រចាំខេត្តព្រះវិហារ បានសហការជាមួយមន្រ្តីការិយាល័យទទួលបន្ទុកផ្នែកសង្គមកិច្ច សុខុមាលភាពស្ដ្រី និងកុមារ ស្រុកជ័យសែន រៀបចំកម្មវិធីទិវានារីអន្តរជាតិ ៨មីនា ឆ្នាំ២០២៥ ខួបលើកទី១១៤។ កម្មវិធីប្រព្រឹត្ដទៅក្រោមអធិបតីភាព ៖

១/លោកស្រី ផន កែវផុន អនុប្រធានមន្ទីរកិច្ចការនារីខេត្តព្រះវិហារ

២/លោក វ៉ាន់ សុក ប្រធានក្រុមប្រឹក្សាស្រុកជ័យសែន

៣/លោក យក់ សំភឿង អភិបាលនៃគណៈអភិបាលស្រុកជ័យសែន

និង លោក លោកស្រីជាសមាជិកក្រុមប្រឹក្សាស្រុក មណ្ឌលសុខភាព ប៉ុស្ដិ៍នគរបាល លោក លោកស្រីក្រុមប្រឹក្សាឃុំ ភូមិ និងជនបង្កោលយេនឌ័រគ្រប់ភូមិ សរុបទាំងអស់ ចំនួន១១៥ នាក់ (ស្ដ្រី ៨៥ នាក់)។ ក្រោមប្រធានបទ “សិទ្ធិ សមភាព និងភាពអង់អាចចំពោះស្ដ្រី និងក្មេងស្រីគ្រប់រូប” កម្មវិធីនេះរៀបចំឡើងក្នុងគោលបំណងដើម្បីគូសបញ្ជាក់អំពីសារៈសំខាន់នៃការទទួលបាន និង ការអនុវត្តសិទ្ធិ ក្នុងការលើកកម្ពស់សមភាព និងការពង្រឹងភាពអង់អាចចំពោះស្ត្រី និងក្មេងស្រីគ្រប់រូបនៅកម្ពុជា។ ប្រធានបទនេះ ក៏ផ្តោតសំខាន់ផងដែរ លើការលើកកម្ពស់ផលជាវិជ្ជមាន និងការទាញយកអត្ថប្រយោជន៍ពីភាគលាភយេនឌ័រជូនគ្រួសារ ពង្រឹងសហគមន៍ និងវឌ្ឍនភាពសង្គម ជំរុញកំណើនការអភិវឌ្ឍសេដ្ឋកិច្ច និងលើកកម្ពស់សុខុមាលភាពសង្គម ជាមួយការឆ្លុះបញ្ចាំងអំពីវឌ្ឍនភាព សមិទ្ធផល បញ្ហាប្រឈម កាលានុវត្តភាពនានា ជាពិសេសបង្ហាញពីការប្តេជ្ញាចិត្ត និងវិធានការវិជ្ជមានក្នុងការលើកកម្ពស់សមភាពយេនឌ័រ និងបង្កើនភាពអង់អាចដល់ស្ត្រីនិងក្មេងស្រីគ្រប់រូប។ រូបភាពក្រុមការងារឌីភីអេខេត្តព្រះវិហារ