សាស់ ជាឧបករណ៍ប្រើប្រាស់ដ៏ពេញនិយមរបស់បងប្អូនជនជាតិដើមភាគតិចនៅបណ្តាខេត្តនានា ពិសេសតំបន់ភូមិភាគឥសាន្តនៃប្រទេសកម្ពុជា។ ឧបករណ៍នេះ ប្រើសម្រាប់អាញបន្លែ ស្រូវ អុសជាដើម ដែលភាគច្រើនយើងឃើញស្រ្តីនិង បុរសអាញនៅជាប់ពីក្រោយខ្នងពេលទៅចំការ។

ទន្ទឹមនឹងអត្ថប្រយោជន៍ដ៏សម្បូរបែប សាស់ក៏ជាឧបករណ៍មួយដែលបង្ហាញអំពីអត្តសញ្ញាណរបស់បងប្អូនជនជាតិដើមភាគតិចពូនងផងដែរ។

បច្ចុប្បន្ន សាស់ត្រូវបានគេស្គាល់កាន់តែច្រើនតាមរយៈការទិញជាវត្ថុអនុស្សាវរីយ៍ និងតាំងលំអរគេហដ្ឋាន ដោយសារតែរូបរាងដ៏គួរអោយទាក់ទាញ និងគុណតម្លៃរបស់វា។