អង្គការវេទិកាមិនមែនរដ្ឋាភិបាលស្តីពីកម្ពុជា (NGOF) បានរៀបចំសិក្ខាសាលាពិគ្រោះយោបល់លើកទី ២ នៅខេត្តសៀមរាប ថ្ងៃទី ១៩ ខែមីនា ឆ្នាំ ២០២៥ ដើម្បីលើកកម្ពស់ការចូលរួមកាន់តែច្រើនពីអង្គការសង្គមស៊ីវិល ក្នុងដំណើរការអភិវឌ្ឍឯកសារការរួមចំណែករបស់កម្ពុជា (NDC3.0) ឆ្នាំ ២០២៥។

មន្រ្តីរបស់គម្រោង ICRC ចំនួន ៣ រូប មកពីអង្គការ CEPA និង DPA បានចូលរួមក្នុងសិក្ខាសាលានេះ ដោយមានគោលបំណងបង្កើនការចូលរួមរបស់អង្គការសង្គមស៊ីវិលក្នុងនយោបាយអាកាសធាតុ។ សិក្ខាសាលានេះបានផ្តល់ជាវេទិកាយ៉ាងសំខាន់មួយសម្រាប់អង្គការសង្គមស៊ីវិល ដើម្បីជាសេចក្តីតំណាងរវាងគោលនយោបាយរបស់រដ្ឋាភិបាល និងសហគមន៍មូលដ្ឋាន ដើម្បីធានាថា សកម្មភាពអាកាសធាតុ ត្រូវសម្របសម្រួលនឹងតម្រូវការ និងសិទ្ធិរបស់ប្រជាពលរដ្ឋដែលងាយរងគ្រោះ ជាពិសេស ជនជាតិដើមភាគតិច ស្ត្រី ក្រុមស្រឡាញ់ភេទដូចគ្នា និងជនពិការ។

ជាការឆ្លើយតបទៅនឹងការអំពាវនាវពី ក្រសួងបរិស្ថាន ស្តីពីការចូលរួមយ៉ាងទូលំទូលាយ និងមានបរិយាប័ន្នពីភាគីពាក់ព័ន្ធ។ NGOF និងសមាជិករបស់ខ្លួន រួមទាំងដៃគូ បានសហការគ្នា ដើម្បីបង្កើតផែនការត្រួសត្រាយសម្រាប់ចូលរួមក្នុងដំណើរការអភិវឌ្ឍ NDC3.0។ សិក្ខាសាលានេះបានប្រមូលផ្តុំ អ្នកចូលរួមចំនួន ៤៣ រួមមានតំណាងពីអង្គការក្រៅរដ្ឋាភិបាល (NGOs) អង្គការសហគមន៍ (CBOs) និងក្រុមស្រឡាញ់ភេទដូចគ្នា។ ភាពជាអ្នកជំនាញរបស់ពួកគេ អំពីការតស៊ូមតិ ការកសាងសមត្ថភាព និងការអភិវឌ្ឍន៍សហគមន៍ បានជំរុញការអនុវត្តគោលនយោបាយបម្រែបម្រួលអាកាសធាតុប្រកបដោយប្រសិទ្ធភាព និងយុត្តិធម៌សង្គម។