ដើម្បីពង្រឹង ការយល់ដឹង ពីគោលនយោបាយបញ្ច្រាបយេនឌ័រ និងបរិយាបន្នសង្គមក្នុងវិស័យបរិស្ថាន និងការប្រែប្រួលអាកាសធាតុ ក្រុមការងារគម្រោង ICRC របស់អង្គការ CEPA និងអង្គការ DPA បានសហការជាមួយ ក្រសួងកិច្ចការនារី និងអាជ្ញាធរខេត្តស្ទឹងត្រែង ដើម្បីរៀបចំសិក្ខាសាលាថ្នាក់ក្រោមជាតិស្តីពី “ការលើកកម្ពស់ការយល់ដឹងអំពីការបញ្ច្រាបយេនឌ័រ និងបរិយាបន្នសង្គមក្នុងវិស័យបរិស្ថាន និងការប្រែប្រួលអាកាសធាតុ” នៅសណ្ឋាគារ រស្មីរពេជ្រ ខេត្តស្ទឹងត្រែង នៅថ្ងៃទី ២០ ខែមិថុនា ឆ្នាំ ២០២៥។ សិក្ខាសាលាដ៏មានសារៈសំខាន់នេះ បានគោរពអញ្ជើញភ្ញៀវកិត្តិយសចូលរួម និងបើកសិក្ខាសាលា ដោយ៖

• លោកជំទាវ ស៊ីវណ្ណ បុទុម រដ្ឋលេខាធិការ ក្រសួងកិច្ចការនារី និងជាប្រធានគណៈកម្មាធិការសម្របសម្រួល និងដឹកនាំការងារយេនឌ័រ និងការប្រែប្រួលអាកាសធាតុ

• លោកជំទាវ កែវ សាវវឿន អភិបាលរង ខេត្តស្ទឹងត្រែង

សិក្ខាសាលានេះមានអ្នកចូលរួមសរុបចំនួន ៩២ នាក់។ ក្នុងនោះមាន៖ ស្ត្រី ៤១ នាក់, ស្ត្រីមេគ្រួសារ ១ នាក់, យុវជន ២៤ នាក់, ជនជាតិដើមភាគតិច ២៣ នាក់, ជនមានពិការភាព ៣ នាក់ និងក្រុមស្រលាញ់ភេទដូចគ្នា ១ នាក់។