[ខេត្តរតនគិរី] សិក្ខាសាលាស្ដីពីផែនការយុទ្ធសាស្ត្ររបស់អង្គការ DPA សម្រាប់ ឆ្នាំ២០២៧–២០៣១ ត្រូវបានរៀបចំឡើងនៅថ្ងៃទី ២២ ខែឧសភា ឆ្នាំ២០២៦ នៅសណ្ឋាគារភូមិខ្មែររីសត ភូមិបួន សង្កាត់កាចាញ ក្រុងបានលុង ខេត្តរតនគិរី។
អ្នកចូលរួមសរុបចំនួន ៤៨ នាក់ ក្នុងនោះមានស្ត្រី ២៤ នាក់ ដែលបានចូលរួមពី គណៈកម្មការគ្រប់គ្រង និងបុគ្គលិករបស់អង្គការ DPA ទាំងអស់ ក្រោមការសម្របសម្រួលដោយ ទីប្រឹក្សាឯករាជ្យ។កិច្ចពិភាក្សានេះបានលើកទឹកចិត្ត ឱ្យអ្នកចូលរួមចែករំលែកមតិយោបល់ បទពិសោធន៍ និងក្តីប្រាថ្នារបស់ខ្លួន ដោយផ្ដោតលើ លទ្ធផលកម្រិតមធ្យម និង សកម្មភាពជាយុទ្ធសាស្ត្រ សម្រាប់ការអភិវឌ្ឍន៍អង្គការក្នុងរយៈពេល ៥ ឆ្នាំខាងមុខ។ លើសពីនេះការពិភាក្សាក៏បានផ្ដោតទៅលើ ការសម្របសម្រួល និងភាពបត់បែន ដើម្បីធានាថា DPA អាចឆ្លើយតបបានទៅនឹង បញ្ហាប្រឈម និងឱកាសថ្មីៗ ដែលអាចកើតឡើងនាពេលខាងមុខ។
