អង្គការ DPA ជាលេខាធិការដ្ឋាននៃ បណ្ដាញកសិអេកូឡូស៊ី ALiSEA នៅកម្ពុជា បានសម្របសម្រួល និងដឹកនាំ សមាជិក ១០ ស្ថាប័នជាសមាជិក និងកសិករចូលរួមក្នុងកម្មវិធី “វេទិការកសិករថ្នាក់ជាតិលើកទី ១៣” នៅខេត្តសៀមរាប កាលពីថ្ងៃទី ២៥និង២៦ ខែវិច្ឆិកា ឆ្នាំ ២០២៤។ ព្រឹត្តិការណ៍នេះ ធ្វើឡើងក្រោមប្រធានបទ “កសិកម្មប្រកបដោយចីរភាពសម្រាប់ទាំងអស់គ្នា” ដោយរួមមានការចែករំលែកពីគោលការណ៍ និងការធ្វើកសិកកម្មតាមបែបកសិអេកូឡូស៊ី ពីបណ្ដាញ ALiSEA ផងដែរ។

កម្មវិធីនេះ សហការរៀបចំដោយ @The NGO Forum on Cambodia និងស្ថាប័នជាដៃគូសហការចំនួន ៤០ ស្ថាប័នរួមទាំងបណ្ដាញ ALiSEA ផងដែរ ដោយក្នុងនោះ មានការបើកចូលទស្សនាស្តង់តាំងបង្ហាញស្នាដៃ និងផលិតផលកសិកម្មដោយសេរី។